በእንተ አዳም

---

  *የቃላት አነባበብ   (ጠ) ጠብቆ     (ላ) ላልቶ  

               አንተም? 

አዳምን እሺ/ ሔዋን አሳስታ

መዘዝ ያበላችው/ ከዛ በለስ ቆርጣ።

አንድዬ አንተዬ/ ሐሳቤ ተምታታ

የበሰለ ልብኽ/ በማን እጅ ተረታ?

እኔ ሙሴ አማኝኽ/ ከበጎች ስመጣ

መንፈስኽ አርፎበት/ ፍሙም በቃቃታ፤

ነበልባል ባየሁኝ/ ጢሻ ዞሮ ቦታ

“ጌታም ተደበቀ?”/ አዝኛለሁ ፈንታ!

በል ተቀላቀለን/ ጨርቅ ያዝና በፍታ

ሽንጥኽ ታገልድመው/ ኀፍረትኽ እንዳይወጣ። 

የኦሪት ዘጸአት ፫፥፪ ማናበቢያ

                       አብ አወራ 

እየሱስ: ያጠገብዎትን አልፈው/ እርሶ ምነው ለእኔ?

አባወራ: እንዴ/ ምን አመጣው ቅኔ?

             ውጪ አይቆሙ/ በጠራራው ሰኔ

             ጥላ ላስገባዎት/ ከእልፍኝ ገመናዬ።

              የልብ እውነታዬ

             ካስቆጣዎት ውለታዬ፤

             ይርሱት/ አብዬ ጌታዬ!

             ልሂድ ልቀጥል/ ቤትና ዱካዬ

             አቅን ከበደልኩት/ እመረምር፣ ሙያና ጠባዬ።

              እርስዎ ደግሞ/ እኩያዬ

              መገምገም ይያዙ/ ከጠሩት ሥራዬ፤

              አሽሙር ተወሽቆ/ ታቅፎዎት በጉያዬ

              እንዲኽ ያጠገብዎትን(ጠ)/ ሁሉ መከራዬ!